حب اصدقاء وغرام الحبايب

في يوم من الايام وفي سنة من السنوات القريبة الي مضت اعرف شاب في متوسط العشرينات من عمره وكان شاب في قمة الاخلاق وفي قمة الروووعه كلام ينوزن في ميزان هالشاب مرت عليه ايام صعيبة وكان يعشق انسانه اسمها حنين وكان نفس مايسوي بعض الشباب كلمات حب وغرام واشاعر من الي تطلع من القلب وتشيل الهم والاوهاااام اسم هالشاب طلال كنت كل ما اشوفه ها طلو كيف حبيب القلب قال ان شاء بكون ع طوووول معاي ان شاء الله راح نتزوج قريب طبعا كانت حنين اول عشقه وكان طلال اول عشق للحنين اتعرفوا على بعض عن طريق اخت طلال في المدرسة كل يووووم يروح يودي اخته ويجيبها علشان تركب معه حنين وفي ذاك اليووووم كان يوم خميس وكنا مخيمين بره الرياض بحدود 100 كيلو في منطقة يقال لها رماح وانا جاني خبر مو زين ع الجوال وفاة واحد من اصحابي بحادث دباب المهم قلت يا شباب ترى كذا كذا صار وانا راح استأذن طبعا كان لنا يووومين بره الرياض واغلب الجولات مطفيه لانو مافيه شحن قلت مين يبي يرجع معايا قال طلال انا قلت يلا يا طلو واحنا راجعين بالخط جالسين نتكلم حط طلال جواله على الشاحن شغل الجوااال رسايل عتاب وزعل وخوف على طلال من مين حنين دقت اول ما انفتح الجوال انت ما تحبيني طمني عنك من اي جوال قالها لا اغار عليكي اخاف احد يحفظ رقمك المهم كانت في بداية الاجازه قالت انا مشتاقه لك ابي اشوووفك قال بكره تعالي عندنا واطلعي فوق راح تلقيني قالت لا اليووم انا مرة تعبانه وما ادري ايش فيني قال وش فيك سلامتك ان شاء الله انا ولا انتي ومن ذا الكلام اجي اوديك المستشفى قالت لا اذا تعبت خليت امي تكلم امك طبعا البنت يتيمه اكبر واحد في اخوانها في اول متوسط وهي في ثاني ثانوي وقالت طلال في الم في راسي بخش اغسل راسي الى ما توصل الرياض اول ما توصل تجيني على طووول قال لا برووح اغير ملابسي واجي بسيارتي قالت لا تيجي على طوووول قال خلاص اوك طبعا السيارةفيها عطر تطيب طلال ولا عليك امر حطني وروووح خلص مشوارك وارجعلي قلت خلاص اذا بتتأخر دق علي قال اوك والله وديته شافته وضمته عند باب البيت قدام عيني وقالت اهم شي تطمنت عليك هذا اهم شي قال اوك انا راح امشي لانوا عبادي مستعجل ورايحيين للمستشفى عشان كذا كذا صار قالت لا اوصيك طمني عليك على طووول ولاتنسى تصلي قال اوك وحنا رايحيين للمستشفى دقت قالت طلال احبك انا راح انام واول ما اصحى راح اكلمك قال لها اوك ياقلبي وقفل وصلنا المستشفى وجلسنا عند المستشفى وقت طويل ما يقارب 7 ساعات الى ما سلمنا الجثمان للثلاجة رجعنا كل واحد بيته العصر لازم نقووووم نصلي على خوينا والله قلت ادق ع طلال اشيله معي بدل ما ارووووح لحالي ادق على طلال ما يرد طبعا طلال ساكن بعيد عني هوا في اقصى الشمال وانا في اقصى الجنوووب ادق ادق ما يرد اطريت ادق على حنين ردت تبكي وش فيكي قالت عباااااااااااادي قلت وش فيه طبعا انا من نوع الي اخاف واقلق على طووول قالت بالحرف الواحد كذا ( انت كنت رايح تصلي على الواحد اللحين راح تصلي على اثنين ) قلت وش تقولي قلت طلال مات ياعبادي والله اول مرة ابكي قدام ابوي كان ابوي معاي قال ابوي وش فيك قلت ابوي انا راح ارجعك البيت وانت روح ع المسجد وانا راح اجيك هناك طول الطريق اتذكر كلام طلال وابكي واقول في نفسي مو حرام يصير كذا وادق على حنين اقولها لا تكذبي انا موناقص مقالب قالت انت مجنون بصوت عالي طلال مات والله مات وانا كمان راح امووووت اللحين انا مادريت وش اسوي اهديها ولا اهدي نفسي كلمت الشباب وقلت ترى طلال عطاكم عمره وذيك السنة ماراح انساها وفيت اثنين من اعز اصحابي واقربهم لي في كل حياتي وصليت في يوم السبت على الاول وصليت على الثاني في يوم الاحد انصدمت صدمه تمنيت وقتها اني امووووت ادفن الاول السبت وادفن الثاني الاحد ومن بعدها كانوا صرت ازووور طلال وسعود كل جمعه وكلهم في نفس المقبره والفرق بينهم قبرين وعطيت وعد للطلال اني ماراح انساه طووول حياتي الى مماتي ومن بعدها قلت اول ولد راح يجيني راح اسميه طلال بس تدرووون والله مثل ذاك الانسان ماراح القى في حياتي الله يرحمه ويغفرله هوا وسعووود في نفس الوقت يارب شفتوا كيف حنين انحرمت من طلال وانا انحرمت من طلال وسعووود......

يعطيك العافيه على الكلام الرائع
يسلمو الله لا يحرمنا جديدك
تحياتي وسروري

قصه حلوه ووحزينه مره......
كلك رقه واحساس يا ملك الإحساس......
سلمت يداك ودمت لمن احبه قلبك......

scratch

مشكووورين ع ردكم الحلو