منقول للفائدة

موضوع قراته باحد المنتديات فحبيت

انقلة لكم هنا عشان نستفيدون منه

اخذته نسخ لصق للفائدة

ــــــــــــــــــــــــــــــــــــــــ

اولا السلام عليكم ورحمه الله ورحمه الله تعالى وبركاته

ثانيا صلوا على الحبيب محمد ف البدايه كده

ثالثا قبل ما ادخل ف الموضوع عاوزة كل واحده تدخل تقيم الموضوع علشان يثبت

لانه بجد مهم ودا من وجه نظرى المتواضعه

ندخل فالموضوع ومن غير لف ولا دوران

انا بقالى فتره بعدت عن ربنا صحيح مش البعد اللى فدماغكم اللى هو البعد البعيد لا يعنى ف حاجات بينى

وبين الله ممكن اكون قصرت فيها وكل ما اجى ارجع ابعد المهم انبارح وانا بصلى الفجر دعيت وقولت

يااااااااااااااااااااا رب ادينى ايه من اياتك يمكن ارجع ونمت

المهم محلمتش غير باشياء عاديه قولت يمكن ربنا مجالى الحلم لبعدين

روحت وجيت ونضفت و خلصت اللى ورايا فجاه بابا جاله مستج من التليفون قولت اطلعهوله الشقه اللى ف الدور

التانى وانا نازله شفت منظر اقسم بالله ابكانى واحتقرت نفسى قووووووووووووووووووووووووى

عارفين مين الميت برص ايوة عارفه ممكن واحده تقول ايه الهبل دا واللى تقول دى فاضيه

مجمعانه ع ايه ال وعلى راى المثل الجنازه حره والميت برص (كلب) واللى تقول يا مامى ايه القرف دا

اهو انا بقى بتقرف قووووووووووووووووووووووى ومع ذلك متقرفتش غير من نفسى ع الاقل

البرص دا حجمه صغير انما انا لالالالالالالالالالالالالالالالالالالالا ع الاقل حجمى اكبر من حجمه

البرص دا انا شفته قبلها بيوم وهو ميت ع جنب من السلم واتقرفت قوووووووووووى انى اشيله

وسبحان الله كل ما اقول هشيله ارجع تانى اقول يععععععععععععععع ايه القرف دا

مكنتش واخده باللى انى هبقى ف يوم من الايام زيه ويتقال عليه نفس اللى قولته عليه وربنا يختم لنا بحس الخاتمه

جيت انارح ببص الاقى اللون اللى عليه راح وجسمه تشوفوا اللى جوه بطنه حاولت انى اقلبه

لقيت المفاجاه اللى صحت جوايا حاجات كتييييييييييييييييييير

عارفين هى ايه دود القبر عارفينه طبعا لا انا شوفته ايوة شفته شفت الدود وهو ماشى فجسمه عمال بياكل

احشاؤه وهو اللى بيحرك دراعه شفته وهو بياكل كل حته ف بطنه شميت الريحه القذره اللى

هنبقى زيها لما نتحلل شفته كانى جوا قبر اتخيلت نفسى مكانه اقسم بالله موقف لو حد

اتصورة ليموت فيها انا بقول لكل واحده ثوانى بس تخيلى نفسك وانت بتشوفى دود القبر

بياكل ف كل حته ف جسمك تخيلى شوفى دموعك هتنزل ازاى شوفى منظرك لما الدود ياكل

منك وانت لوحدك فالقبر الضلمه جربى وحسى بالاحساس اللى حسيته اكيد احساس

مخيف قولت ليه اسيبه كده رميته ف الزباله ودخلت الشقه قولت دا اكيد انظارى من الله

دخلت اتوضيت وانا بتوضى تكمله عذاب القبر قدام عينى

دود بياكل فيه نار قدام عينى ثعبان الكبرى بيلتف على جسمى والله اكنى ف القبر الاحساس دا

مرحش الا لما خلصت الوضوء عيطت اكنى عمرى ما عيطت فضلت الوم نفسى

وانا وسط دا كله فكرت ازاى البرص دا مات من غير ما يندفن والله كل اللى

جه ف بالى انى احفرله قبر وادفنه يمكن الاقى يوم موتى اللى يدفنى

ووالله حفرتله قبر ف التراب وجبته من الزباله ودفنته ويمكن بكيت عليه وروحت صليت لله ودعتله انه يهدينى

ويشاء القادر انه يورينى ايه تانيه اشوف الرئيس السابق ف المحاكمه واقول سبحان المعز المذل

واشوف ايه تالته واحده جارتنا عمرها ما اشتكت من اى الم فجاه عندها السكر والكلى واحتمال الكبد شوفتها وهى

بتصلى لكن وهى قاعده على كرسى حسيت بقيمه السجود وقولت اللهم لك الحمد

انا عارفه انى طولت عليكم بس صدقونى انا عشت احساس صعب ياريت تبصوا للموضوع

بقلوبكم ومتزعلوش لو كنت سديت نفسكم بس والله انا بحبكم ف الله

اللهم ارزقنا حسن الخاتمه ومتنسوش التقيم

فحفظ الله والسلام عليكم ورحمه الله تعالى وبركاته

منقووووووووووووول للفائدة